LAGUNGARRIA

GAURKO SALMOA

Hain onbera zara-eta, Jauna,

entzun nagizu zeure grazi-egunean.

Zeugaitik jasan dot lotsa gorria,
lotsaz estaldu jat aurpegia.
Arrotz naiake nire senideei,
atzerritar, nire amaren semeei.
Maite-minez jaten nau zure etxeak,
eta Zuri egindako irainak hemen datorkidaz gainera.

Lotseak bihotza urratu deust eta makal nago,
nor nitzaz errukituko, eta ez da inor,
nork ni poztuazoko, eta ez dot aurkitzen inor.
Janari-orde emon eusten behaztuna,
egarri nengoala, ozpina.

Jainkoaren izena kantuz dot goratuko,
eta esker on emonez ospatuko.
Ikusi, apalok, eta poztu zaiteze,
bilatu Jainkoa, eta bihotza birbiztu bekizue.
Izan ere, behartsua dau Jaunak aditzen,
eta bere adiskide atxilotuak ez ditu gitxiesten.