OTOITZAK

Hemen beheko esteka honetan klikatu  eta eguneroko otoitz ederra daukazuez https://rezandovoy.org/ GARIZUMA LURDESEN EGINDAKO  ANDRA MARIAREN KURUTZBIDEA Garizumari buruzko bideo batzuk  sartu deutsuedaz. Ez dira nik eginak. Nahi dozuenean,  edo ahal dozuenean  lagunduko deutsue otoitz egiten.   ELEIZBARRUTIAK IPINI DAUAN SINODOAREN OTOITZA   “LEKUAN LKUKO ” otoitza   Jauna, lagundu haize bolada freskoa izaten. Zure graziak goiargitu, eutsi eta lagun egin deigula, Jauna.  Goratu egin gura zaitugu, gure Jainko Jauna, gure hitzak abesti izan daitezala Zuretzat. Zureganako maitasuna adierazo eta ospatu gura dogu Bete gaizuz zure presentziaz eta egin Barri Onaren lekuko.  Jesus, Jainkoaren Semea, emoiguzu bihotz errukitsu eta onbera. Jainkoaren Espiritua, hezi gure begirada, gauza txikietan zure arrastoak autortu daiguzan, martxan  dagoan  Eliza sentitu gaitezala URRIA: EROSARIOKO HILA EZAGUTU DOGU BETI. HORRETAN SAIATUKO GARA FRANTZISKO AITA SANTUAREN  ERROSARIOA MUNDUZ MUNDU, MARIA LAGUN DOGULA, GIZAKI GUZTIEN ALDE. ZELAN EGIN             Frantzisko Aita Santua dogu gaur erakusle Errosarioa errezatzeak arrisku haundi bat daukala: bitartean buruak errezegi  hortik zehar iges egiten deuskula. Hona Frantzisko Aita Santuak eskeintzen deuskun aukerea, bihotza buruaz bat eginda errezatzekoa da: geure hatzamarrak lagun doguzala,  “Agur Mari” batzuk astiro esaten doguzan bitartean, hatzamar bat izango dogu gogoan.  HATZAMAR LODIENA NORBERAGANDIK HURKOENA ETA BEHARREZKOENA NORBERE ADISKIDEEN ALDE  Itxuraz motzena eta lodiena, baina beste danentzat beharrezkoena.  Senide eta adiskideen alde: Ama Maria, zaindu gagizuz bakez eta osasunez.  AMA MARIA, GURE OTOITZA ENTZUN, ARREN BIGARRENA: HATZAMAR ERAKUSLEA  Nun, zer, zelan dagoan eta beragaz zer egin erakusten dauana.  Jauna, gogoan doguz irakasleak eta eleiz gizon eta andrak: Munduko eta fedeko bideak erakusten zintzoak eta zuzenak izan daitezan. AMA MARIA, GURE OTOITZA ENTZUN, ARREN HIRUGARRENA: LUZEENA  GOGOAN DOGUZ ELEIZ ETA HERRI AGINTARIAK: EGIZUZ, JAUNA, ZURE ORDEZKO APAL ETA ZINTZOAK. AMA MARIA, GURE OTOITZA ENTZUN, ARREN LAUGARRENA: GELDIA EZIN DAU EZER EGIN, BESTEEKIN BATERA EZ BADA. AMA MARIA, GURE OTOITZA ENTZUN, ARREN  ZAHARREN ETA GAIXOEN ALDE: Ezinduak, edadetuak, jaiobarriak, behartsuak. Jauna, besteak beste etagehiago  maite dozuz. Zeure izenean zaindu daiguzala. AMA MARIA, GURE OTOITZA ENTZUN, ARREN   BOSGARRENA:TXIKIENA BAKOTXAK BERE ALDE   IZAN ERE, TXIKIENTZAK HARTU BEHAR DOGU BAKOTXAK GEURE BURUA.   Jauna, benetan txikia naz, danetarako behar zaituet: Lehenengo Zeu Jauna,  gero Zu Ama maite Maria eta zuek, lagun laztanok.  AMA MARIA, GURE OTOITZA              ENTZUN, ARREN.               EGUENA      EGUAZTENA ETA DOMEKEA            ASTELEHENA eta ZAPATUA BARIKUA eta MARTITZENA ETA HEMEN BEHEAN  GURE TXOSTEKO OTOITZ ETA SALMMOAK ETA BESTE HAUSNARKETA BATZUK  "SANTIAGO EGUNEZ"                          " SAN INAZIO EGUNEZ"            EBANJELIOKO HAUSNARKETAK             URTEAN ZEHARREKO 15. DOMEKAKO SALMOA NIRE BEGIAK ETA BIHOTZA  ZUGANA ZABALIK DAUKADAZ KRISTOREN GORPUTZ ETA ODOL SANTUAK PENTEKOSTE   EGUNA Igokunde eguneko otoitza                       Igokunde eguneko salmoa ETA HEMENDIK BEHERA BESTE OTOITZ BATZUK Jesus, Zu harrigarria zara, norbera zain egon barik aurkitzen dan laguna zara. Eta nik aurkitu zaitut. Ez neban uste Zu hain hurrretik ezagutzerik. Baina nigana heldu zinan, samariatar emakumeagana lez, eta esan deustazu: “Emoidazu edaten”. Zakeori lez, aurkitzen nintzan zugatzera zure begiak jaso, eta esan deustazu “Jatsi zaitez hortik, zure etxean ostatu hartu gura dot-eta” Badakizu behar zaitudana, eta deitu barik heldu zara nigana. Onartu naizu Zeugaz bidelagun. Baina zer dinot, gero! Zu nigaz joan bazoaz-ta, beti lagunduten nozu, aspertu barik. Ondotxo ezagutzen nozu eta zer behar dodan badakizu, bai nire asmoak, bai nire makaltasunak. Ezin deutsut ezertxo ere ezkutatu, Jesus. Nik neure buruaz arduratzea itzi gura neuke eta nire denporea Zuri bakarrik eta osorik eskeini. Nire burua osorik Zuretzat izatea gura neuke. Zoazen lekura zoazela, jarraitu gura deutsut. Baina hauxe esateko ere bildur naz, makal aldakorra naz-ta. Hau Zeuk dakizu neuk baino hobeto. Badakizu ze buztinez eginda nagoan, hain hauskor eta aldakor... Horrexegaitik zaitut beharrezkoago, Zeuk zuzendu naizun etenbarik, Zeu nire euskarri eta atseden izan zaitezan. Eskerrik asko, Jesus, zure ADISKIDETASUNAGAITIK! BEGIRA, ATEAN NAUKAZU DEIKA Jainkoaren lehen urratz  xumea. Jaungoiko Aitak nire atean deitzen deust bere Semearentzat ostatu eske.  - Alokatzea benetan merkea da, dinotsot nik. - Ez dot alokatzerik gura, erosi gura dot -dinost Jainkoak-. - Ez dakit, ba, saltzerik ez dot pentzau, baina sartu zaitez eta ikusi barrutik. - Bai, banoa ikuskatzera, -dino Jainkoak. - Gela bat edo bi itziko neuskizuz - Gogoko jat, -dino Jainkoak- Biak hartuko dodaz. Baleiteke geroago erabagitea besteren bat ere iztea. Itxaron neike. - Gehiago itziko neuskizu, baina gatx egiten jat; neuretat ere nahiko leku behar dot eta... - Bai, bai, konturatzen naz, -dino Jainkoak- baina itxarongo dot.  Ikusi dodana gogoko jat. - Tira, beste gela bat ere itzi neizu; egia esan, nik ez dot horrenbeste behar. - Eskerrik asko, -dino Jainkoak-. Neuretzat hartzen dot. Ikusi dodana- gaz gustura nago. - Etxe osoa itziko neuskizu, baina zalantzak dodaz eta ez dakit zer egin. - Ondo pentsau egizu -dino Jainkoak-. Nik ez zindukedaz kanpoan itzi- ko. Zure etxea nirea izango litzateke eta nire semea bertan biziko li- tzateke. Eta zuk sekula baino leku gehiago izango zeunke bertan. - Ez deutsut tutik ulertzen. - Bai, badakit -dino Jainkoak-, baina ezin deutsut dana azaldu. Zeuk zeure esperientziz ikasi beharko zeunke. Eta hau holan bakarrik jazoko da: Berari etxe osoa izten badeutsazu. - Holangorik! Arrisku haundia, ezta? - Bai, holan da, -dino Jainkoak- baina fiatu zaitez Nitaz eta jokatu. - Merezi dau benetan hartzea. Aztertuko dot. Zugaz hartuemonean jarraituko dot. - Bai, bai, itxarongo deutsut -dino Jainkoak- ikusi dodana gogoko jat. BIZIPOZAREN ZORIONTASUNAK BIZITZAREN ARRATSALDEAN   1.- Pozik gagoz maitatuak sentitzen garalako, Jaungoiko maitetsua, alaia eta Bizi-iturria   lagun dogula. 2.- Pozik gagoz, bizitzagaz harmonian bizi garalako, munduko gozotasuna txastatzen dakigulako eta daukagun on guztiari eta gauza txiki guztiei dauken probetxu guztia ateraten deutsegulako. 3.- Pozik gagoz, bizitza konpartitzen dogulako; poza eskeini eta hartzen dogulako, zabalik dagoan errekearen antzera hartuemonean. 4.- Pozik bizi gara, ekipaje arina daroagulako, libre eta xume, eder eta on guztiaren aurrean zabalik. 5.- Pozik bizi gara, irribarrea eta umore ona zaintzen doguzalako. Bizitzako irainak eta desengainuak alperrik galdu ez deiskuezan ahalegintzen garalako. Egunero ezusteko bat, miraritxo bat. 6.- Pozik bizi gara, hegoak eta ametsak doguzalako. Eguzkiak urteten deusku goizero, eta gauero izarrak dizdiz zeruan. Ez deuskuez ilundu ez lupetzak eta ez samintasunaren lohiak. 7.- Pozik bizi gara, bidean aurrera goazelako, ikasten, esperientzi barrien bila; oraindik ez gara heldu; oraindik gailur eta baztar ederrik asko ikusi behar doguz. 8.- Pozik bizi gara, azkenik, asko dagozalako gure poztasunaren zain. Ezin dogu alperrik galdu edo gorde. ESKERRAK JESUS JAUNA, ZURE MAITASUNAK EMOTEN DEUTSO ZENTZUNA NIRE BIZITZARI AITITA ETA AMAMA OTOITZEAN Jauna, erakutsi egidazu kristinau lez zahartzen. Konturatu naitela honetaz: Ez dirala nigaz zorrotz gogorrak izan eskuartetik ardurak kendu deustezanak, aspaldion ezertariko eritxirik eskatu ez deustenak, ezta nire lekurako beste batzuk aukeratu dituenak. Kendu egidazu nire bizitzako esperientziaren harrokeria, kendu egidazu behar-beharrezkoa nazala uste izatea. Jauna, gauzetatik apurka aldentzen noan bitartean, hau denporearen kontua baino ez dala jabetu naitela eta zereginetan errelebu hau hartu dagidala bizitzako joan-etorriaren legetzat, Jaunaren ardurapean egiten dan txanda lez. Baina lagun egidazu, Jauna, aurrerantzean be besteentzat baliogarri izaten: nire baikortasunez eta otoitzez lagunduz ondorengo txandakoak jarraitu dagien, ardurak adorez eta pozez eroan ahal dagiezan. Hartuemonean jarraitu gura dot bakez eta apal aldatzen doan munduaren barruan; lehen izan zana joan dalako hileta jo barik; ekintzak eta lanak itzi beharra onartuz, eguzkia mendi ostean sartzea onartzen dodan lez. Azkenik, parkatu egidazula eskatzen deutsut, zahartzaroan konturatu banaz hainbeste maite izan nozula; eta, oraintxe gitxienez,  eskerronez begiratu dagidala Zeuk aurretiaz atondu deustazun helburu zoriontsua; harako sortu ninduzun-eta nire bizitzako lehenengo unetik. Jauna, erakutsi egidazu holantxe zahartzen. Amen Jesusen bidea da estua ta latza ta beti gorantza, gitxien uste dana egiten da kantza. Jesusi jarraitzea ez da sorgin-dantza burua ukatu behar ta_hartu bere antza. Horrentzat da zeruko koroia ta aintza. Jesus Maisuak emoten deusku gaur erakutsi sakona: alde batetik ez dala dino edozer bardin deutsona, baina bestetik parkatuteko bihotz zabalik dagona salbau gura dau gizona. Ondo bai daki oker eginaz sarri damutzen jakona; inorentzako ez dau nahi txarrik bai danontzat zoriona. Jaungoikoaren grazia eta bizitzan ikasia hori da gugan hazia. Baina indartsu hazten da gugan bedarra edo sasia Kendu burutik haizia  ta_hartu sakon arnasia zeutzat da irabazia. USTE ONEZKO SALMOA Jesus Jauna, biderako Argia zaitut, Zu zara nik itxaro dodan Salbatzalea. Nondik norakoak dira ezkutuko beldur honek? Noren beldur naz, Jauna? Bizitzea bidegurutze bat lez da, eta sarri noraezean aurkitzen naz, ez dakit nondik nora jo. Zugan sinisten dot, Jesus Jauna, Zu zara nire bizizaren zaintzailea. Nork ni ikaratu? Ondo dakit Zuri jarraitzea bide latza dana. Egon be, zenbat gauza daukadazan esku-eskuan! Ziur nago, euren atzetik banoa, irabazi nahi neban askatasuna galtzeraino katigatuko nabela. Hau be badakit: Zuri jarraitzen badeutsut konfiantza osoz, bideko trabak jauziko  dirala, udazkeneko orbelak lez. Datozela nire kontra gezurra eta gogorkeria, atseginaren eragin gaiztoak; nire bihotzak, Jauna, ez dau bildurrik. Han-hemen mila aukera eder eta errez agertu arren, nire bihotzak haien eskaintzetara itxita iraungo dau, Zugan lasai eta bakez bizi naz-ta. Gauza bat bakarrik eskatzen deutsut, Jauna, horrexen bila nabil ni: Zurekin bat-bat eginda bizitzea, Zu laguntzat zaitudala, eta Zuk nigaz dozun adiskidetasun zintzoaz pozik bizitzea. Tentaldian Zuk babestuko nozu, aterkinak euritean lez; Eta horrela harkaitz sendoaren gainean lez sentituko naz seguru. Jesus Jauna, entzun egidazu, arren, deika naukazu-eta. Erruki zakidaz; zure arpegi-bila nabilkizu. Nire bihotza ziur dago, Zuk maite nozula, Eta nigan egon zagozala, Eta nire arazoak axola deutsula, lagun zintzo bati lez. Zure arpegi-bila nabilkizu: ez, ezaidazu gorde zure arpegia. Ez nagizu bertan behera itzi, Zu zara nire Salbatzailea-ta. Emoidazu, arren, ziurtasun hau: Ni aitak eta amak zapuztuko banindute be, Zu beti izango zaitudala nire ondoan. Jauna, erakutsi egidazu zure bidea, eroan nagizu bide zelaitik. Beti lagun izango zaitudala uste dot. Nik nahi dodana hauxe da: Zure Bizitzaz nire bizitzan gozatzea. Zugan itxaroten dot, Jesus Jauna: Emoidazu bihotz adoretsua eta ausarta, Zuri jarraitzeko. Zu zara, ba, nire biderako argi, eta oso-osoan fiatzen nazen Salbatzailea. ZATOZE NIGANA, NEKATUOK! GORPUZTI EGUNEZ AITA, SEMEA ETA ESPIRITUA PENTEKOSTE  IGOKUNDE EGUNA PAZKU ALDIKO VI. DOMEKEA "NEU NAZ BIDEA, EGIA, BIZIA" "artzain ona" pazko IV. domeka Argi zuzi lez jarri gaituzu, Jauna, mundu honetan berogarri dan sugar lez,    gure kriseiluen sinismen-argia                                                 moteltzen badoa ere.                                                                Gu isiltzen bagara, ez deutsue entzungo, gure mihin-gainetik aldenduten bazaitue, zure presentziaren ber-argia ez dabe dastatuko, zure testiguok, geure kerizpez, ezkutatzen bazaitugu. Jauna, sendotu egizu gure makaltasuna. ure zerbitzariok iragarri daigula zure BERBEA. Gure ahoak zabaldu dagiala zure ahotsa; zure argiak argitu dagiazala gure bizitzak ESPIRITUARI OTOITZA    E spiritua, eske gaukazuz gugana etorri zaite, Zeuk laugnduta Aita Jainkoa bihotzez daigula maite.                  S uzko mihingainez agertu zinan Apostoluen gainera, dohai bardinez jatsi zakiguz geu indarrez betetzera.                   P ekatupean katigaturik askatasunaren bila, Espiritua bere laguntzaz gugana jatsi dedila.                   I ndar emoile zarean hori errukiz zatoz gugana, Zeuk lagunduta bete ahal daigun Kristau zintzo baten lana.                                                             R i-rau edozer esan ta egin ez da izaten onena, Espiritua, emoiguzu Zeuk behar dogun iraupena.                   I lunaldian argi zaitugu sufrimentuan laguntza, gure indarrak huts egitean bultza eiguzu gorantza.                     T utik ez daki  inok Zu barik zer ta noiz komeni jakon, Zugan ustea jarri dogu ta behar doguna Zeuk emon.                   U stekabean jausten bagara laprast eginda zulora, Zeuk dakizun lez, jaso gagizuz jarraitu daigun aurrera, A.  Martzel GAUR BARRIRO JAIO NAZ Gaur goizean bizkarra zuzendu dot, neure arpegia argitu dot, egunsentiko arnasa barria hartu dot, eta bizia aukeratu dot. Gaur goizean neure zauriak onartu dodaz, neure mugak besarkatu dodaz, txikitu dodaz nire bildurrak, bizia aukeratu dot. Gaur goizean bakez asetu naz, etorkizunera begira gogobarritu naz, alkartean poza konpartituz, bizia aukeratu dot. Gaur goizean ixiltasunean entzun zaitut,  bete naizun itzi deutsut, hurretik jarraitzen deutsut, bizia aukeratu dot. Gaur goizean lotatik argira urten dodanean, Jaiotza barri bat izan dot: Neure buruagaz bat egin dot, barriro jaio naz; Jainkoagana zabaldu naz,  Egun barri batera jaio naz;  egun barriari oratu deutsat,  gaur goizean barriro jaio naz. BERANDU MAITE IZAN ZAITUT Berandu maite izan zaitut, hain aintzinako eta hain oraingo edertasun hori, berandu izan zaitut maite. Zu neure barruan zengozan,ni, kanpoan.                                  Kanpotik nenbilen zure bila eta zure eskuetatik urtenikoondasuna eta edertasuna zan nire poza. Zu nirekin zengozan, eta ni ez nengoan Zurekin, ez nirekin. Munduko gauzak urrun lotuten ninduen. Ez zindudan ez ikusten, ez sentitzen, eta zure beharrizanik ere ez neban. Zure edertasuna agertu zenduan eta nire itsutasuna urrundu egin zan. Zure usain gozoa zabaldu Zuk eta arnasa garbia hartu nik eta zure egarriz nago. Zure zale egin naz eta gose-egarritan nagokizu. Besarkatu egin nozu eta zure baketan sarturik nago.                                                                                                               Oinez ibilten ikasi behar dana dakian Jainkoak, ezer ez daki, ezer ezin dau Belengo Jesus Aurtxoak. Eta guk dakiguna…. eta guk daikeguna! Gu gara izatekoak Txiki eginaz, haundi izaten ikasi daigun, jauntxoak. Jainkoa gizon, haundia txiki Eta txiro abertsa, Bide hortatik jokatutzea Benetan da bide latza. Jainkoaren bideak Ez dira, ba, gureak; Hau ikastea bai gatxa! Belengo_ikastola barrian Ikasten jarri apatxa! Eleiz ta mundo, betor iraultza, Ez dago Beste biderik, Gogorkeria ta gorrotoa Askok ez dauka besterik. Zer jazo dan Belenen Aztertu daigun lehenen, Nun da iraultza oberik? maitasunezko iraultza barik ez da sortuko bakerik. Irratiz eta telebizinoz Sekulako barriketa, Norbera gora, besteak behera Hau eten bako hileta! Belengo aingeruak Darabilen kantaketa: “Gora jainkoa, bake gizonoi, Jesus jaio jatzue-ta” Neguko gaba, hotz ta iluna baina izena dau GABON, Danok argitu ta berotzeko Jainkoa egin da gizon. Uxatu ilun-hotzak Eta gora bihotzak, Bizi barria itxaron! Salbatzailea etorri da-ta Anaiok, mila zorion! A.Martzelen “kezkaz” liburutik hartura ABENDUKO KOROIA              Bertsoen musika  "Iparragirre abila.." LEHENENGO DOMEKEA: Ohitura lez, abenduko domeketan kandelatxo bat biztuten da, Jesusi bidera urten nahirik, geugana datorrenari bidera urtenaz, bizitza bere argiz eta graziz beteaz. Gaur kandela morea jarri dogu; abenduko liturgian itxaropena adierazoteko erabilten da. Jainko Semea gugana dator, gure bide eta bizilagun izatera. Benetan da gure itxaropen-iturburu nagusia. Egunak Joan eta etorri sartu gara abendura, argia biztu, urten bidera, holan da gure ohitura. Lehenengo kolorea  jarri dogu morea. ta honek zer esan gura? Itxaropena indarbarritu ha da lehenengo ardura. BIGARREN DOMEKEA: Abenduko bigarren domeka honetan kandela berdea biztuten dogu. Liturgian kolore hau sarri erabilten da: eguneroko bizitza arrunta adierazoteko. Izan ere, Jesus, jaiotzatik heriotzarainoko bidea egin ondoren, barriro be hemen dago geugaz eta gutariko bakotxaren bidez osotzen Joan gura dau bere betiko salbamen ekintza. Eta horretarako Jaunaren BERBEA argitzen deusku bidea: gerora eraginez, Erreinuko baloreak bizitzera bultzatzen gaitu. Jaungoikoa lez, bere Erreinua ere betikoa da. Salbatzailea beti daukagu gure artera etorten, gu Beragana, Bera gugana alkar maitatuz egoten. Bizipozez betea da Jaunaren Berbea, gugan frutua emoten; bizitza bera ondo zainduta hau da benetako Belen. HIRUGARREN DOMEKEA: Abenduko hirugarren domekan kandela gorria biztuten dogu. Kolore gorriaren esanahia hauxe da: Maitasun bidea: Umetxo eginda Semea bialtzen deuskun Aitari eta gizaki guztiakaz anai-arreba egin gaituan hurkoari. Jesus izatez eta esatez maitasuna da, Belengo misterioaren mamina maitasuna da: makal, behartsuengana errukiz hurreratu eta eurakaz maitasunez bat egiten dan maitasuna da, sarri odola emoteraino. Doango maitasuna, egin ahalak eginda, beti zorretan gelditzen dan maitasuna. Sinismenez eta itxaropenez hazur-mamitzen dan maitasuna. Adenduaren erdira-heldu ta Belena begira nago, lagun, mobidu gaitezan azkar bestela Jesus akabo. Gaur kolore gorria Jesus da etorria… Esan al leike gehiago? Ez da Belenik, ez da Jesusik maitasunik ez badago. LAUGARREN DOMEKEA: Abendua azkenera doa, eta eta zuria da biztu dogun kandelea. Honegaz osotzen dogu Abenduko Koroia: Zuria. Kolore hau urteko liturgiak erabiltzen dau pozezko ospakizunetan:Jesusen Jaiotza, biztuera eta igoera jaietan, baita santuen jaiegunetan ere. Jesusi eta santuei bereziki dagokiena da. Argia, Jesus da munduko argia. Bizipoza, adorea, zoriona adierazoteko kolorea. Benetan Belengo Jesusen jaioteguna aintxinako “argiaren egunean” ospatzen dogu. Laono arteko Belengo izarrak erakutsiko al deusku bizitzarako bidea Gaurko kandela agertzen jaku argi kolore zuritan, Jesus gurekin maitemindu da, esan behin eta birritan. Maite daigun Jainkoa bardin lagun hurkoa, ospatu GABON egitan; eta guztiok poztu gaitezan Belengo zeru-argitan.                                              A.Martzel Andrinua ARTZAIN LAGUN Bizitzaren gailurrean esan beharrean nago: Jauna, zoriontzu nozu, sekula baino gehiago. Jesus Artzain nagusi aukeratu nozu lagun: “Lagunduko al deustazu, artaldea zaindu daigun”. Artalde maitagarria  zaintzeko jarri deustazu, zeure izenean, Jauna, ekingo deutsat jo ta su. Zeurea da Jauna, hartu  nazan eta dodan apurra; ta Zu nigaz zaitudala,  uxa lotsa ta bildurra.  Zer nazan ta zer ahal dodan  ez dozu esan beharrik, Zeuk aukeratu nozu ta  nahiko zaitut Zeu bakarrik. Bizian Gora gara gu,  Jesus, zure senitarte,  zintzo jarraitu nahi dogu   Zeu bila etorri arte.

ADISKIDE BAT AURKITU DOT

Jesus, Zu harrigarria zara, norbera zain egon barik aurkitzen dan laguna zara. Eta nik aurkitu zaitut

  

Ez neban uste Zu hain hurretik ezagutzerik.

Baina nigana heldu zinan, samaritar emakumeagana lez, eta esan deustazu: "Emoidazu edaten".

Zakeori lez, aurkitzen nintzan zugatzera zure begiak jaso, eta esan deustazu “Jatsi zaitez hortik, zure etxean ostatu hartu gura dot-eta”

Badakizu behar zaitudana, eta deitu barik heldu zara nigana. Onartu naizu Zeugaz bidelagun.

Baina zer dinot, gero! Zu nigaz joan bazoaz-ta, beti lagunduten nozu, aspertu barik. Ondotxo ezagutzen nozu eta zer behar dodan badakizu, bai nire asmoa, bai nire makaltasunak.

Ezin deutsut ezertxo ere ezkutatu, Jesus, Nik neure buruaz arduratzea itzi gura neuke

eta nire denporea Zuri bakarrik eta osorik eskeini. Nire burua osorik Zuretzat izatea gura neuke.

Zeozen lekura zoazela, jarraitu gura deutsut. Baina hauxe esateko ere bildur naz,

makal aldakorra naz eta.Hau Zeuk badakizu neuk baino hobeto. Badakizu ze buztinez eginda nagoan, hain hauskor eta aldakor...

Horrexegaitik zaitut beharrezkoago, Zeuk zuzendu naizun etenbarik, Zeu nire euskarri eta atseden izan zaitezan.

Eskerrik asko, Jesus, zure ADISKIDETASUNAGAITIK!

BIALDUAREN OTOITZA

Zoaze mundu zabalera...Berba honeek niretzat esanak dira.

Zure jarraitzaile nazMisinoan zure jarraitzaile naz.

Eskerrik asko, Jesus,txinditurik aurkitzen naz zure konfiantzaz.

Soloaria ugaria da, eta langileak gixi, ostera.

Euretariko bat izan nahi dot.

Gizaki asko jausita dagoz eta guk aurrera egiten  dogu,

Samariar ona izan nahi dot.

Bihozbarritu nagizu lehenengo neu,

nik beste batzuei Barri Ona iragarri deioedan.

 Emoidazu ausardia,

bere burua nahikotzat daukan mundu honetan

lotsa eta bildur naz.

Emoidazu itxaropena.

Gizarte itxi eta susmagarri honetan

neuk ere  konfiantza gitxi dot gizakiengan.

Emoidazu maitasuna.

Lur hotz eta bakarti honetan

neuk ere maitasaun gitxi nabaritzen dot.

Emoidazu iraupena.

Giro eroso eta azalezko honetan

neu ere errez nekatzen naz.

 Bihotzbarritu nagizu lehenengo neu,

nik beste bazuei Barri Ona iragarri deioedan.

Eskerrik asko, Jesus,

txunditurik aurkitzen naz zure konfiantzaz.

BIDEZ BIDE JAUNAREN ESKUTIK

Jauna,ase egizu gure bihotza goizero zure maitasunez.

Egizu gure begiak begiratzen ikasi dagiela,eta bideko nekeak ez dagizala gure belaunak makurtu.

Zu hain maite zaituan gure bihotza  grazi barriz poztu egizu;zure harrigarriak agertu beitez zure zerbitzariengan.

Markatu egizu, Jauna, gure buztina

zure maitasunez; izan zaitez Zeu gure buztinlari, eta zure ezaugarri maitekorrak gelditu beitez gure bihotzetan.

Zaindu gure kriseilua bizturik, zeure lekuko egin gaizuz, zure erreinuko gatz eta argi izan gaitezan, Zeuk ipini gaituzun lurralde honetantxe. 

Zure ontasuna jatsi bedi gugana, Zu goresteko eta eskertzeko gai izan gaitezan.

“BEGI BIAK EDEGI JATAZ”

Entzun al deustazu, ene Jainko?
Nik ez dot Zugaz inoiz berba egin,
baina gaur bihotzez agurtzen zaitut.
Zuk ondo dakizu ume-umetatik erakutsi eustela
Zu inor ere ez zareala; eta nik, gixajo honek, sinistu egin neban.
Ni ez nintzan inoiz konturatu Zuk egindako mundu ederrez.
Gaur bat-batera zure ederraren ederrez, liluraturik,
izarrez apainduriko zeru haundi hori
neure buru gainean ikusirik, begi biak edegi jataz.
Harriturik ulertzen dot bere argia.
Zelan bizi ahal izan naz hain engainaturik?
Ez dakit, Jauna, Zuk eskua luzatuten ete deustazun, eta Zuk ulertuko deustazu.
Inpernu gorri honen hondo-hondoan, argi bizi bat sortu da nigan, eta nik ikusi zaitut.
Zeu ezagutzearen poztasuna, besterik ez deutsut esan nahi.
Gauerdian gudaketa gogorra dogu, baina ez naz ezeren bildur:
Zu begira zaukadaz. Entzun! Deia da. Zer egin daiket?

Egon ere, hain gozoro nengoan Zugaz!
Beste zertxobait gehiago: Zuk badakizu burrukaldi gogorra izango doguna.
Baleiteke gaur gauez zure atea jotea. Ni zure lagun inoiz izan ez banaz ere, 
itziko al desutazu, atea jotean, Zugana sartzen?
Negarrez naukazu, Zuk badakizu zergaitik dan,
 Nire begiak edegi egin jataz.
Parkatu Jauna, Zuk badakizu zergaitik dan:
Parkatu, Jauna! Banoa, eta seguru asko ez naz bihurtuko.
Baina, hau da hau miraria! Ez naz heriotzearen bildur!

(Errusiar erlijinoa errotik desagertzen ahaleginik asko egin eban. Otoitz hau gudamutil baten paraka-poltzikoan aurkitutakoa da. 1.945. urtean)

JAUNA, GEHITU EGIZU NIRE SINISMENA

Zure ondoan egon gura dot.

Jauna, gehitu egizu nire sinismena

Zure Berbea entzun gura dot. 

Jauna, gehitu egizu nire sinismena
                                                                                        

Zugan uste osoa izatea gura dot.
Jauna, gehitu nire sinismena.

Nire zalantzak uxatu gura dodaz.     

Jauna, gehitu nire sinismena

Nire bildurrak gainditu gura dodaz. 

Jauna, gehitu nire sinismena

Zure pausuak jarraitu gura dodaz. 

Jauna, gehitu nire sinismena

Zure testigu izan gura dot. 

Jauna, gehitu nire sinismena.

AURREZ AURRE DOGUN JAUNARI

Jauna, Zu nire bizitza barruan zagoz; eta nire bihotzaren poza,Zu Aita zaitudala jakitean! Zu zara nire gordeleku eta gaztelu. Ene Jainko, Zugan dot uste on.

Zuk salbatzen nozu larrialdiko egunean. Zure ontasunez zainduten nozu. Zure egopean gordetan nozu. Zure indarra da nire ezkutu-lekua.

Zuk salbatzen nozu larrialdiko  egunean.

Zure ontasunez zainduten nozu, zure egopean gordeten nozu. Zure indarra da nire ezkutu-lekua. 

Ez naz gau ilunaren bildur, ezta eguerdiko eguzki galdaren bildur ere. Zure aurrean nire arerioak lurjoko dabela eta neuk irabaziko dodala ziur nago eta.

Nik Zugan aurkitzen dot iheslekua, Zeu hartu zaitut, Jauna, nire zaintzaile.

Zu lagun zaitudala, ez da jausiko zoritxarrik nire bizitzaren gainera. Nire joan-etorri guztietan Zeuk zainduten nozu eta.

Zeuk gordeko nozu esku-barruan, eta ez deutsezu itziko nire oinei bidean eztropezu egiten. Nekatu barik joko dot neure helmugaruntz nire sari betea Zeu izango zaitudala ziur nago eta.

 Zeuk aterako nozu onik, maite nozula badakit eta. Zeuk zainduko nozu,

neu nazan hau onartzen nozula badakit eta. Zuri deitu daiketsut, beti entzuten nozula badakit eta.

Zu beti zagoz neugaz, nahiz eta bihotzak sarri ahaztu Zuk maite nozula.

Zu beti neugaz zagoz, nahiz eta nire bihotzak huts egin eta barriren barri hasi.

Zu beti zagoz neugaz, nahiz eta nire bihotza zure bideak jarraitzeaz ahaztu.

Zu beti zagoz neugaz, nahiz eta nire bihotzak hori ez sentidu batzuetan.

Jauna, nire bizia zeurea da, zeure eskuetan ipinten dot. Nire bihotza ez dadila ikaratu, nahiz eta bidea neketsua izan. Zu neugaz zagoz eta nire bizia zeure gauzea da.